Прэзідэнт Украіны заявіў, што Крымскі мост для Украіны ёсць законнай мішэнню, бо па ім акупанты перавозяць зброю. Паводле слоў Зяленскага, ён павінен быць «нейтралізаваны».
«Мэта — вярнуць увесь Крым, бо гэта наша суверэнная тэрыторыя… Керчанскі мост не нейкая маленькая лагістычная дарога. Ён выкарыстоўваецца для дастаўкі боепрыпасаў і мілітарызацыі Крымскага паўвострава. Для нас зразумела, што гэты варожы аб'ект, пабудаваны за межамі міжнароднага права, таму зразумела, што гэта наша цэль, і любая цэль, якая нясе вайну, а не мір, павінна быць нейтралізаваная», — цытуе Зяленскага «Украінская праўда».
Зяленскі таксама падкрэсліў, што контрнаступленне Украіны прасоўваецца павольней, чым чакалася, бо аперацыя пачалася пазней, чым планавалася. «Праз тое, што мы пачалі крыху пазней… гэта дало Расіі час замініраваць усю нашу зямлю і пабудаваць некалькі ліній абароны», — сказаў Зяленскі.
Прэзідэнт Украіны заявіў, што, нягледзячы на цяжкасці, Украіна рухаецца наперад.
«Мы не хацелі траціць нашых людзей, нашы кадры і нашых вайскоўцаў, мы не хацелі траціць тэхніку і таму досыць асцярожна ставіліся да наступальных дзеянняў. Я б сказаў, што мы набліжаемся да моманту, калі адпаведныя дзеянні могуць набраць тэмп, бо мы ўжо праходзім праз некаторыя месцы, дзе ёсць міны, і размініруем гэтыя раёны».
Пад раніцу 17 ліпеня «кіраўнік» акупаванага Крыма Сяргей Аксёнаў паведаміў, што на Крымскім мосце адбылося «надзвычайнае здарэнне», у сувязі з чым рух па мосце спынены. Расійскія тэлеграм-каналы паведамілі, што на мосце «ўпаў» пралёт.
Крыніцы «Украінскай праўды» паведамілі, што начная атака на Крымскі мост была спецаперацыяй СБУ і Вайскова-марскіх сіл. Адзначалася, што мост атакавалі з дапамогай надводных дронаў. Пазней версію аб двух надводных беспілотніках агучыла і РІА «Новості» са спасылкай на Нацыянальны антытэрарыстычны камітэт РФ.
Уладзімір Пуцін паабяцаў, што Расія адпомсціць за ўдар па Крымскім мосце.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары