Прэзідэнт Украіны Уладзімір Зяленскі запэўніў заходніх саюзнікаў, што контрнаступленне УСУ ў найбліжэйшы час уступіць у новую фазу. Пра гэта ён заявіў у рамках Міжнароднага форуму па бяспецы ў амерыканскім Аспене, паведамляе Financial Times.
Нядаўняя спроба адстаяць пазіцыі на ўсходзе краіны пачалася пазней, чым планавалася Кіевам, праз недахоп боепрыпасаў, узбраенняў і недастаткова падрыхтаваных брыгад, прызнаў Зяленскі. Гэта дало Расіі магчымасць закласці міны і стварыць абарончыя лініі на шляху УСУ.
У той жа час украінскі прэзідэнт падкрэсліў, што сітуацыя на фронце хутка зменіцца, і заклікаў саюзнікаў пастаўляць больш дальнабойных ракет і перадавых знішчальнікаў.
Дарадца па нацыянальнай бяспецы ЗША Джэйк Саліван заявіў на форуме, што вынікі ваенных намаганняў Украіны стануць зразумелыя толькі пасля таго, як Кіеў цалкам задзейнічае свае сілы.
Ён дадаў, што ўпор украінскіх уладаў на паскарэнні паставак перадавых знішчальнікаў для контрнаступлення няправільны, бо моцныя сістэмы СПА перашкаджаюць актыўнай ролі авіяцыі ў канфлікце.
Міністр замежных спраў Вялікабрытаніі Джэймс Клеверлі заявіў, што разумее разыходжанне паміж чаканнямі Украіны і абавязацельствамі Захаду, бо ў кожнага боку свае прыярытэты. «Заўсёды будзе некаторае адрозненне ў падыходзе паміж украінскім кіраўніцтвам і іншымі краінамі ў тым, чаго мы хочам дасягнуць», — адзначыў ён.
Зяленскі: Крымскі мост — цэль, якую трэба нейтралізаваць
Зяленскі: Пуцін — маньяк, які вырашыў усіх нас забіць
«Баі пад Запарожжам і Бахмутам — гэта не паўтор Першай сусветнай, а высадка ў Нармандыі»
«Тэмп аперацыі прадыктаваны той зброяй, якую атрымала Украіна». У чым сутнасць новай украінскай ваеннай тактыкі?
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1414
Каментары
Как только Ф-16 и атакмс получат - сразу и ускорятся!)