У Кыргызстане звольняць чыноўнікаў, якія не гавораць па-кыргызску: «Было дастаткова часу, каб вывучыць»
Урад Кыргызстана аб'явіў, што дзяржаўныя чыноўнікі, якія не размаўляюць на дзяржаўнай мове — кыргызскай — будуць звольненыя з працы. Папярэджанне прагучала праз некалькі дзён пасля таго, як прэзідэнт Садыр Жапараў падпісаў закон, які абавязвае дзяржаўных службоўцаў валодаць кыргызскай мовай, піша «Радыё Свабода».
Напярэдадні кіраўнік Нацыянальнага камітэта дзяржаўнай мовы Каныбек Асманаліеў заявіў, што ў чыноўнікаў, якія не валодаюць кыргызскай мовай, было дастаткова часу, каб вывучыць яе, бо намаганні па ўмацаванні статусу дзяржаўнай мовы рабіліся гадамі.
Закон патрабуе, каб усе дзяржаўныя службоўцы, у тым ліку дэпутаты, супрацоўнікі банкаў, праваахоўных органаў, суддзі, пракуроры, адвакаты і натарыусы, свабодна валодалі кыргызскай мовай.
Кыргызстан упершыню прыняў закон аб дзяржаўнай мове ў 1989 годзе, і ў яго некалькі разоў уносіліся папраўкі.
«У папярэднім законе гаварылася, што «афіцыйныя дакументы павінны складацца альбо на дзяржаўнай (кыргызскай), альбо на афіцыйнай (рускай) мове». Толькі з прычыны гэтага «альбо» ўся дакументацыя 34 гады пісалася на рускай мове. Мы гэта [ў новым законе] прыбралі», — заявіў Асманаліеў.
Новы закон абвяшчае, што ўсе афіцыйныя дакументы надалей павінны пісацца на кыргызскай мове, а пры неабходнасці будуць перакладацца на іншыя.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары