У цэнтры Мінска сям'я качак дысцыплінавана скарысталася з пешаходнага перахода ВІДЭА
У тыктоку апублікавалі мілае відэа, на якім знята, як мама-качка пераходзіла дарогу са сваімі птушанятамі проста па пешаходным пераходзе ў цэнтры Мінска, заўважыў Telegraf.news.
Відэа знялі на пераходзе недалёка ад стадыёна «Дынама» і будынка Міністэрства спорту і турызму. Хоць птушкі перайшлі дарогу ў дазволеным для гэтага месцы, аднак рабілі гэта на чырвонае святло.
Машыны ў той момант не праязджалі праз гэты пераход. Аднак яны былі побач, хоць маму-качку, як і яе качанят, гэта не палохала.
«Вось у каго трэба вучыцца дабрыні і любові. Уяўляю, як ёй страшна, але не ўзлятае, вядзе дзяцей», — напісала адна з каментатарак.
«Перажываў за качак больш, чым за ўласнае жыццё», — дадаў іншы карыстальнік.
Каментары