Уладзімір Зяленскі сёння прыбыў у Анкару для правядзення перамоваў з турэцкім лідарам Рэджэпам Эрдаганам і абмеркавання магчымых крокаў для спынення вайны. Як паведамілі ў Кіеве, пасля сустрэчы з Эрдаганам прэзідэнт Украіны прыме рашэнне аб далейшых дзеяннях.
Пры гэтым крыніца CNN у МЗС Турцыі паведаміла, што афіцыйная сустрэча дэлегацый Расіі і Украіны пакуль не запланаваная. У Крамлі раней анансавалі, што перамовы пройдуць у другой палове дня.
На перамовах у Стамбуле інтарэсы Украіны могуць прадстаўляць кіраўнік СБУ Васіль Малюк, міністр абароны Рустэм Умераў і начальнік Генштаба Андрэй Гнатаў, якія ўжо прыбылі ў Турцыю.
Зяленскі заявіў, што гатовы сустрэцца з Уладзімірам Пуціным асабіста, аднак Расія, паводле слоў украінскага лідара, накіравала ў Стамбул «муляжную» дэлегацыю, не ўпаўнаважаную на рэальныя перамовы. Крэмль выключыў удзел Пуціна, а ў расійскую дэлегацыю ўвайшлі толькі чыноўнікі, якія ўдзельнічалі ў няўдалых перамовах у 2022 годзе.
Тым часам афіцыйны прадстаўнік прэзідэнта Турцыі паведаміў, што Эрдаган будзе патрабаваць неадкладнага спынення агню і пачатку рэальных мірных перамоваў. Паводле яго слоў, Анкара абмяркоўвае з Зяленскім «усе аспекты бягучых падзей».
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары