ГУБАЗіК расказаў, што жанчына, якая адмовілася даваць інтэрв'ю Азаронку, цяпер за кратамі
Наталля Крук нядаўна вярнулася з Польшчы. Прапагандыст Рыгор Азаронак у пачатку тыдня выклаў відэа, на якім жанчына не стала з ім размаўляць.
Затрыманай Наталлі Крук 38 гадоў. У Мінску яна была старшынёй таварыства ўласнікаў дома.
Пасля 2020-га Наталля выехала ў Польшчу і спрабавала стварыць уласны бізнэс у сферы прыгажосці. Але нешта пайшло не так, у відэа ГУБАЗіКа Наталія распавядае, што яе падмануў партнёр па бізнэсе і справа прагарэла. Пасля гэтага яна вырашыла вярнуцца ў Беларусь, дзе яе затрымалі.
У відэа сілавікоў паказаны пратэсныя каментары ў тэлеграме, якія, меркавана, пакідала жанчына.
Яе тэлеграм-акаўнт прывязаны да ўласнага беларускага нумара, таму яе маглі адшукаць па каментарах.
Мяркуючы з усяго, цяпер яна за кратамі — жанчыну паказваюць у клетцы. ГУБАЗіК сцвярджае, што «сядзець ёй яшчэ доўга».
«Наша Нiва» — бастыён беларушчыны
ПАДТРЫМАЦЬЦяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары