Гарадзенец абразіў супрацоўніка ГУБАЗіКа каментаром «што ні рожа, то парася»
У судзе Ленінскага раёна Гродна 26 ліпеня быў абвешчаны прысуд Андрэю Мягкову за каментар у тэлеграм-чаце «Карнікі Беларусі», які экспертыза палічыла абразай прадстаўніка ўлады паводле арт. 369 Крымінальнага кодэкса.

Справу разглядаў вядомы сваімі палітычнымі прысудамі суддзя Руслан Гурын.
Як паведамляе «Гарадзенская вясна», суд расцаніў каментар «што ні рожа, то парася», пакінуты пад публікацыяй пра супрацоўніка ГУБАЗіК Юрыя Скока, як абразлівы.
Вынік — паўтара года хіміі, штраф 3700 рублёў і маральная кампенсацыя пацярпеламу — 2 тысячы рублёў.
Каментары