Экс-кіраўніца МЗС Аўстрыі, з якой танцаваў Пуцін, пераедзе з расійскай вёскі ў Пецярбург
Яна будзе кіраваць даследчым цэнтрам.
Былая міністарка замежных спраў Аўстрыі Карын Кнайсль, якая вядомая тым, што танцавала на сваім вяселлі з прэзідэнтам РФ Уладзімірам Пуціным, пераедзе жыць у Санкт-Пецярбург. Пра гэта Кнайсль распавяла расійскаму агенцтву ТАСС на палях Усходняга эканамічнага форуму.
Кнайсль сказала, што пераедзе ў Пецярбург для працы ў цэнтры G. O. R. K. I. (The Geopolitical Observatory for Russia's Key Issues), якім яна кіруе.
«Я была сузаснавальнікам цэнтра G. O. R. K. I. і кірую ім. Так як там вельмі шмат працы і ён патрабуе шмат увагі, я не магу займацца гэтым перыядычна, я вырашыла для гэтай працы пераехаць у Санкт-Пецярбург», — сказала былая кіраўніца аўстрыйскай дыпламатыі.
Кнайсль займала пасаду кіраўніка МЗС Аўстрыі з 2017 да 2019 года. Гэтым летам яна жыла ў Разанскай вобласці.
Кнайсль уваходзіла ў раду дырэктараў расійскага нафтавага гіганта «Раснафта» ў якасці незалежнага дырэктара ў 2021 годзе. Яна выйшла з рады дырэктараў «Раснафты» ў маі 2022 года пасля таго, як Расія ўварвалася ва Украіну.
На асабістым вэб-сайце Кнайсль сказана, што яна пакінула родную краіну праз пагрозы забойствам і «фактычную забарону на працу ў Аўстрыі».
Кнайсль трапіла ў загалоўкі газет у 2018 годзе, калі Пуцін наведаў яе вяселле. Абаіх тады сфатаграфавалі падчас танца, нагадвае «Еўрапейская праўда».
Цяпер чытаюць
Беларуска знайшла італьянскую сям’ю, якая прыняла яе пасля Чарнобыля. Яна думала, што італьянцы яе кінулі1
Каментары