Мужчына, якога пяты дзень шукаюць пад Полацкам, — вядомы мінскі доктар
У Полацкім раёне працягваюцца пошукі мужчыны, які знік падчас падводнай рыбалкі. Аказалася, што гэта вядомы мінскі ўролаг, загадчык аддзялення ў Бальніцы хуткай медыцынскай дапамогі, піша Onliner.
48‑гадовы Генадзь Шчатко — вядомы мінскі ўролаг, загадчык аддзялення ў Бальніцы хуткай медыцынскай дапамогі. Таксама ён вядзе прыём у прыватным медцэнтры Sante.
Пра знікненне Генадзя Шчатко паведаміў пошукава-выратавальны атрад «Фенікс», арыенціроўкі таксама распаўсюджваюць у сацсетках яго знаёмыя.
Вядома, што 11 чэрвеня доктар у кампаніі сяброў адправіўся адпачываць на возера Вядзета. Гэта папулярнае і маляўнічае месца для палатачных лагераў, воднага турызму і падводнай лоўлі, размешчанае за 45 кіламетраў ад Полацка.
Сам вадаём досыць вялікі і глыбокі: плошча воднага люстэрка складае каля 4,61 квадратнага кіламетра, сярэдняя глыбіня — каля 4,5 метра, а максімальная дасягае 12,2 метра.
Каля 5 гадзін раніцы 12 чэрвеня мужчына адправіўся на падводную рыбалку і знік. «На месцы працуюць супрацоўнікі міліцыі, МНС, Таварыства выратавання на водах <…>. Мы верым, што ён яшчэ жывы, і робім усё магчымае, каб яго знайсці», — пішуць блізкія зніклага.
Прыкметы: на выгляд 45—50 гадоў, рост 176—178 см, сярэдняга целаскладу, валасы кароткія, цёмныя, вочы блакітныя. Быў апрануты ў чорны гідракасцюм.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары