20 верасня ў Вільню з сольнай праграмай «Песні Белавежскай вёсачкі Залессе» завітае Настасся Хмель — этна-спявачка, мультыінструменталістка, вакальная трэнерка, удзельніца гурта KRIWI.
Настасся грае ў кірунку ethno-fusion, дадаючы арыгінальнай мелодыі народных песень актуальнае асэнсаванне і акампанемент розных інструментаў з дапамогай лайв-лупінгу.
Перад вымушанай эміграцыяй у Польшчу (Кракаў) спявачка 7 год жыла ў маленькай вёсачцы Залессе, што схаваная сярод гушчароў Белавежскай пушчы, з усіх бакоў аточаная балотам.
Мясцовыя жыхаркі баба Валя (Валянціна Парфёнаўна Сіплівая 1929 г. н.) і баба Маня (Марыя Лук’янаўна Сіплівая 1937 г. н.), з якімі Настасся амаль параднілася за гады сумеснага суседскага жыцця, дзяліліся з ёй сапраўднымі скарбамі — успамінамі пра мінулае і песнямі, якім навучыліся ад сваіх бацькоў і бабуль.
Прыходзьце 20 верасня а 19:00 у CreateCulture Space паслухаць песні з Белавежскіх гушчароў, паспяваць разам, занурыцца ў касмічную атмасферу беларускага фальклору.
-
Пазняк прэзентаваў кнігу «Віленшчына любімая і прыўкрасная». Там ёсць нават вершы па-французску
-
«70% мастакоў у чорных спісах». Мастак Сяргей Грыневіч пасля трыумфу ў Венецыі расказаў пра гады маўчання і пра тое, на якім свеце ён апынуўся
-
У наступную суботу ў Вільні пройдзе Сямейны беларуска-літоўскі фэст з літсцэнай
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?11
Каментары