На Ленінградзкай атамнай станцыі аўтаматычнай засьцярогай быў адключаны ад сеткі першы энэргаблёк, паведамляе прэсавая служба ЛАЭС.
На Ленінградзкай атамнай станцыі аўтаматычнай засьцярогай быў адключаны ад сеткі першы энэргаблёк, паведамляе прэсавая служба ЛАЭС.
У аўторак у 09.32 па маскоўскім часе (8.32 – па беларускім) аўтаматычнай засьцярогай адключаны ад сеткі энэргаблёк №1 Ленінградзкай АЭС. Прычынай адключэньня энэргаблёка зьяўляецца кароткае замыканьне ў вымяральным трансфарматары току на адкрытай разьмеркавальнай прыладзе. У выніку кароткага замыканьня спрацоўваньнем рэлейнай засьцярогі аўтаматычна адключаная лінія электраперадачы 330 кВ», - гаворыцца ў паведамленьні.
У выніку адключэньня лініі электраперадачы энэргаблёк №1 быў разгружаны да 0 МВт і адключаны ад сеткі. Разгрузка блёка праведзеная па штатнай схеме.
«Пасьля ліквідацыі прычын кароткага замыканьня энэргаблёк будзе ўключаны ў сетку. Энэргаблёкі №3 і №4 Ленінградзкай АЭС працуюць на намінальным ўзроўні магутнасьці, іх сумарная нагрузка складае 2032 МВт.»
У інфармацыі прэсавай службы падкрэсьліваецца, што радыяцыйны фон на пляцоўцы Ленінградзкай АЭС і прылеглых тэрыторыях адпавядае паказьнікам нармальнай эксплюатацыі энэргаблёкаў і не перавышае натуральных прыродных значэньняў.
Каментары