Што за сэрвіс можна атрымаць за такія грошы?
Гісторыяй сваёй паездкі ў Бабруйск з «Анлайнерам» падзяліліся чытачы. Больш за ўсе славутасці іх уразіла цана жылля, у якім яны спыніліся. Ложка-месца каштавала 7 рублёў за суткі.
Першы нюанс — насамрэч гасцініца аказалася зусім не гасцініцай. А месцам для начоўкі, якое дае цэнтр турызму і краязнаўства. Другі нюанс — такое жыллё ёсць у кожным раённым цэнтры. Таму цана не ўнікальная і вар'іруецца ў раёне 6-15 рублёў на суткі. Часта такія гасцініцы «на мінімалках» называюць турбазамі.
— Гэта будынак былога дзіцячага садка. Пакоі 3-6-месныя, ложкі высоўныя. Унутры цёпла, шмат месца. Ёсць душ з акном на вуліцу, якое не зачыняецца. Свая паркоўка за плотам. Матрацы цалкам добрыя, бялізна чыстая. Можна збірацца кампаніяй у вялікай зале з лаўкамі. Да нашых песень там паставіліся лаяльна. На другім паверсе ёсць макет Бабруйска для вывучэння, — дзеляцца інфармацыяй чытачы.
У цэлым уражанні засталіся станоўчыя. Праўда, самі госці адзначаюць, што месца не падыдзе людзям з запытамі — толькі сапраўдным турыстам. З мінусаў — няма кухні і нельга карыстацца чайнікам. За душ трэба даплаціць: тады кошт за ноч падымаецца да 11 рублёў.
Людзі апынуліся ў Бабруйску вялікай кампаніяй. Хацелі вывучыць прыроду ў ваколіцах горада і падземны бункер. Пра месца для начлегу даведаліся ад знаёмых. Забраніравалі жыллё па тэлефоне: ім скінулі фота нумароў і папярэдзілі, што «шыку» чакаць не варта.
Па каментар «Анлайнер» звярнуўся да дырэктара цэнтра турызму, краязнаўства і экскурсій дзяцей і моладзі Бабруйска. Паводле яго слоў, месца арыентавана на турыстычныя і школьныя групы, удзельнікаў спартыўных спаборніцтваў і камандзіраваных. Іншыя госці патрапіць туды не змогуць. У іншых гарадах у турбазы могуць засяляцца ўсе жадаючыя.
Для параўнання: гатэль у Бабруйску можна зняць ад 66 рублёў за трохмесны нумар, а двухпакаёвую кватэру з 6 спальнымі месцамі — за 50 рублёў. Выйдзе па 22 і 8,3 рубля з чалавека адпаведна.
-
У Варшаве затрымалі беларуса і паляка, якія здымалі мерапрыемствы беларускай дыяспары для прапагандыстаў
-
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
-
Памёр экс-пасол Валерый Брылёў
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары