На расійскага спевака Шарлота завялі крымінальную справу за «рэабілітацыю нацызму» і «абразу пачуццяў вернікаў»
Цяпер Шарлот адбывае 13 сутак арышту, а потым яго этапуюць у Самарскую вобласць.
Кацярына Мізуліна заявіла, што на расійскага спевака Шарлота завялі крымінальную справу за «рэабілітацыю нацызму» і «абразу пачуццяў вернікаў». Аб гэтым кіраўніца «Лігі бяспечнага інтэрнэту» напісала ў сваім тэлеграм-канале.
Цяпер Шарлот адбывае 13 сутак арышту, якія яму прызначыў Ленінскі раённы суд Санкт-Пецярбурга 22 лістапада па справе аб дробным хуліганстве, піша «Медуза».
З Пецярбурга спевака этапуюць у Самарскую вобласць у пачатку снежня — па заканчэнні тэрміну адміністрацыйнага арышту.
У чэрвені спявак Шарлот апублікаваў ролік, на якім ён спальвае расійскі пашпарт. У ліпені Шарлот прыбіў да распяцця фатаграфію патрыярха РПЦ Кірыла і свой вайсковы білет. У лістападзе Кацярына Мізуліна звярнулася са скаргай на спевака ў СК і МУС. Шарлота затрымалі 22 лістапада ў аэрапорце Пулкава.
За «рэабілітацыю» нацызму Шарлоту можа пагражаць да трох гадоў зняволення. Таксама спеваку можа пагражаць да пяці гадоў зняволення за спальванне пашпарта РФ і антываенныя выказванні.
Шарлот (Эдуард Валер'евіч Шарлот, 1988, Самара) — расійскі кампазітар, музыкант, спявак, аўтар песень і акцёр. Першую вядомасць атрымаў дзякуючы каверам на песні гурта «Пошлая Молі»; затым — пасля ўдзелу ў шоу «Песні на ТНТ». Пазней стала вядомая песня «Шчака на шчаку», з якой артыст выступаў на шоу «Вячэрні Ургант»; таксама распаўсюдзілася песня-джынгл, напісаная Шарлотам для рэкламы «Мегафона». У сакавіку 2020 года быў выпушчаны сумесны сінгл з Маргенштэрнам пад назвай «Малышка».
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары