«Скіфскае золата» з крымскіх музеяў, якое адправілася ў нідэрландскі музей да анексіі паўвострава Расіяй, прывезлі ў Кіева-Пячэрскую Лаўру.
«Проста зараз грузавік з 2 694 кг культурных каштоўнасцяў, вядомых пад агульнай назвай «Скіфскае золата», заехаў на тэрыторыю Кіева-Пячэрскай Лаўры, дзе ў скарбонцы Нацыянальнага музея Украіны кіеўскія мытнікі зробяць ідэнтыфікацыю скарбаў», — паведамляе РБК.
Пра тое, што музей Аларда Пірсана перадасць калекцыю Украіне, украінскае Міністэрства культуры і інфармацыйнай палітыкі паведаміла 22 лістапада. Ведамства адзначыла, што музей не стане спаганяць з Кіева кошт дзевяцігадовага захоўвання экспанатаў.
Акруговы суд Амстэрдама вырашыў перадаць калекцыю Украіне ў 2016 годзе. Расія двойчы спрабавала аспрэчыць гэтую пастанову, але суд пастанавіў, што артэфакты належаць Украіне.
Скіфскае золата — калекцыя з 2 тысяч экспанатаў. Чатыры крымскія музеі перадалі яе для выставы «Крым — залаты востраў у Чорным моры» нідэрландскаму музею Аларда Пірсана ў лютым 2014 года да пачатку расійскай анексіі паўвострава.
Чытайце таксама:
Скіфскае золата з музея ў Мелітопалі ўсё ж паспелі вывезці
Суд Амстэрдама адмовіўся вяртаць скіфскае золата ў Крым
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць50
Каментары