Запарожская ваенная абласная адміністрацыя абвергла распаўсюджаную ўчора інфармацыю аб захопе расіянамі скіфскага золата з краязнаўчага музея ў акупаваным Мелітопалі.
«У сакавіку самае каштоўнае з Запарожскай вобласці было вывезена ў іншыя рэгіёны Украіны. Цалкам з усіх музеяў. Усё, што складала гісторыка-культурную каштоўнасць. Тое, што яны там «выратавалі» — ну, поспеху ім. Ёсць розныя музейныя экспанаты: копіі, муляжы, яшчэ нешта», — заявіў у эфіры агульнанацыянальнага тэлемарафона кіраўнік Запарожскай ВАА Аляксандр Старух.
Раней прарасійскія паблікі распаўсюдзілі відэа пра тое, як акупанты нібыта знайшлі схаванае работнікамі музея золата і «выратавалі» яго ад вывазу за мяжу.
Пры гэтым варта адзначыць, што сярод рэсурсаў, якія пашыралі гэтую інфармацыю далей, быў і тэлеграм-канал Запарожскай ВАА.
У 1954 годзе старадаўняе скіфскае золата выявілі ў скіфскім кургане ў Мелітопалі. Яго спрабавалі вывезці ў ленінградскі Эрмітаж, але ўкраінскія археолагі дамагліся таго, каб знаходка засталася ва Украіне.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары