З 1 снежня ў Маладзечне працуе толькі адна служба таксі з трох. Па дзейнасці аператараў перавозак 152 і 158 міліцыя праводзіць праверку. Гэтыя службы пакуль не аказваюць паслугі па перавозцы пасажыраў, піша Kraj.by.
Па інфармацыі выдання, днём у пятніцу, 1 снежня, у офісы службаў таксі 152 і 158 прыйшлі супрацоўнікі міліцыі і падатковай інспекцыі.
Па папярэдніх даных, у гараж пастаўлена каля 200 машын.
У Маладзечанскім РАУС выданню пацвердзілі, што законнасць дзейнасці гэтых перавозчыкаў цяпер правяраецца.
У лістападзе стала вядома, што КДБ распачаў вялікую справу кіроўцаў таксі і маршрутчыкаў за нявыплату падаткаў. Затрымалі 20 чалавек, якія, паводле КДБ, ужо кампенсуюць нанесеныя страты. На нарадзе 14 лістапада Лукашэнка анансаваў змены на рынку паслуг таксі.
«Я мусіла глядзець месца для людзей, якія пераходзяць мяжу. Што можа пайсці не так?» Драматычная гісторыя арышту Алесі Буневіч1
Каментары