Экс-галоўны доктар Гродзенскай абласной бальніцы Святаслаў Савіцкі заўчасна памёр у 61 год
Святаслаў Савіцкі быў пульманолагам-алерголагам вышэйшай катэгорыі, кандыдатам медыцынскіх навук. Яго працоўны стаж налічваў амаль 40 гадоў.
«Адміністрацыя і калектыў глыбока смуткуюць аб яго заўчаснай смерці і выказваюць спачуванні родным і блізкім. Гэта велізарная страта для ўсіх нас. Гэты чалавек быў не толькі таленавітым кіраўніком, але і выдатным чалавекам, які заўсёды быў гатовы дапамагчы і падтрымаць сваіх калегаў. Яго прафесіяналізм і адданасць справе былі неацэнныя для нашай клінікі», — адзначылі калегі Святаслава Савіцкага ў некралогу.
Святаслаў Савіцкі быў доктарам пульманолагам-алерголагам вышэйшай катэгорыі, кандыдатам медыцынскіх навук.
Нарадзіўся ў 1962 годзе ў вёсцы Харужава Ваўкавыскага раёна. У 1985 годзе на выдатна скончыў Гродзенскі дзяржаўны медыцынскі інстытут. Яго стаж працы ў медыцыне складаў амаль 40 гадоў.⠀
Займаў пасаду галоўнага доктара Гродзенскай абласной бальніцы з 2002 па 2012 год. З лютага 2014 года працаваў дацэнтам кафедры ўнутраных хвароб Гродзенскага медыцынскага ўніверсітэта.
Аўтар 52 навуковых прац, дзвюх манаграфій і аднаго вынаходнцітва.
У апошнія гады Святаслаў Эдуардавіч вёў кансультатыўны прыём па дыягностыцы і лячэнні бранхіяльнай астмы, сіндрому трахеабранхіяльнай дыскінезіі, сіндрому абструктыўнага апноэ сну, піша «Газета Слонімская».
Цяпер чытаюць
Што Бабарыка і Калеснікава адказалі на пытанні пра вайну18
Каментары