Бізнэсоўца, заснавальніка інвестыцыйнай кампаніі Concord Capital затрымалі на ўкраінска-польскай мяжы. Ігар Мазепа накіроўваўся на Сусветны эканамічны форум у Давосе.
Дзяржаўнае бюро расследаванняў затрымала ўчора бізнэсоўца па справе аб незаконнай прыватызацыі зямельных участкаў у Кіеўскай вобласці — у матэрыялах справы Мазепа пазначаны «заказчыкам завалодання ўчасткамі», піша «Украінская праўда».
Сёння разглядалася пытанне аб абранні меры стрымання — абарона заявіла пра заангажаванасць працэсу.
Падчас пасяджэння адвакаты Мазепы агучылі хадайніцтвы ў судзе:
- — аб правядзенні трансляцыі з залы суда на афіцыйных рэсурсах Пячэрскага суда.
- — аб адводзе пракурора па справе з-за прадузятага стаўлення і парушэнні прэзумпцыі невінаватасці.
Абарона заявіла, што ў тэксце падазрэння бок абвінавачвання сцвярджае як факт, які адбыўся, што Мазепа здзейсніў злачынства.
Адвакаты Мазепы таксама заявілі што ў пятніцу каля восьмай раніцы ім уручылі чатыры тамы справы, над якімі ДБР і пракуратура працавалі 10 гадоў. Аднак у абароны было ўсяго 3-4 гадзіны на падрыхтоўку.
Суддзя адмовіў ва ўсіх хадайніцтвах, у тым ліку пра адвод суддзі.
Ігар Мазепа пасля пракаментаваў хадайніцтва пракурораў пра заклад 700 мільёнаў грыўняў (18 млн даляраў).
«Пракуроры просяць у якасці меры стрымання для мяне заклад у памеры 700 млн грыўняў. Не 700 грыўняў (18 даляраў), не 700 тысяч грыўняў ($18 000), а 700 мільёнаў грыўняў. І яшчэ 500 млн грыўняў за майго брата. Гэта значыць, як мінімум 1,2 мільярды грыўняў за справу ($31 млн), дзе нібыта страты складаюць 7 мільёнаў» (184 тысячы даляраў), — абурыўся бізнэсмэн.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА79
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары