Сіноптыкі расказалі пра надвор'е на наступныя дні. Прыемнага, шчыра кажучы, мала
Адліга, мокры снег, дождж, скачкі атмасфернага ціску, а потым пахаладанне.
У ноч на сераду пройдуць невялікія ападкі, днём у многіх раёнах рэспублікі чакаюцца ападкі (снег, мокры снег, дождж). На асобных участках дарог галалёдзіца. Ноччу -2..+3°С, максімальная днём -1..+5°С. У Мінску цягам сутак 0..+2°С. Дождж.
25 студзеня, у чацвер, мокры снег і дождж. Уначы і раніцай у асобных раёнах краіны чакаюцца слабыя туман і галалёд. На дарогах месцамі галалёдзіца. Вецер месцамі моцны парывісты. Тэмпература паветра на працягу сутак складзе -1..+5°С. У Мінску цягам сутак працяглыя ападкі і каля нуля.
26 студзеня ноччу тэрыторыя Беларусі апынецца ў тылавой частцы цыклону, цэнтр якога перамесціцца на Курскую вобласць; днём надвор'е будзе фарміраваць у асноўным халодная і няўстойлівая паветраная маса, якая паступае з поўначы Еўропы.
Уначы на большай частцы тэрыторыі, днём месцамі па краіне пройдзе кароткачасовы снег, мокры снег. Тэмпература паветра на працягу сутак будзе -5..+1°С. У Мінску днём мінус 3°С.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары