«Дзецям тлумачаць, каб не баяліся паміраць за Радзіму». Расіянка папрасіла ў садку даваць малым менш вайсковых цацак — яе судзілі
Жыхарку Іркуцка аштрафавалі па артыкуле аб дыскрэдытацыі арміі за просьбу даваць дзецям у дзіцячым садзе паменш ваенных цацак. Данос на жанчыну зрабіла выхавальніца дзіцячага садка, піша 7х7.
Наталля водзіць у дзіцячы садок свайго сына. Неяк яна заўважыла, што ў дзіцячым садку стала занадта шмат цацак вайсковай тэматыкі, і спытала пра гэта выхавальніцу. Тая адказала, што гэтыя цацкі неабходныя для патрыятычнага выхавання дзяцей, пішуць «Людзі Байкала».
«Дзецям тлумачаць, што ім неабходна служыць у войску і ваяваць, каб не баяліся паміраць за Радзіму», — патлумачыла супрацоўніца дзіцячага садка.
На судзе выхавальніца прадставіла іншую версію таго, што адбылося. Паводле яе слоў, Наталля зайшла ў садок і, «паглядзеўшы на партрэт прэзідэнта Пуціна, абразліва выказалася ў яго адрас, казала, што Расея напала на Украіну, і таму там гінуць мірныя людзі». Суд прызнаў Наталлю вінаватай і прызначыў штраф у 35 тысяч расійскіх рублёў (каля 400 даляраў).
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары
-Навошта сынок?
- Сказалі, што калі хочам стаць героямі і памерці за Пуціна, то ён нам вельмі спатрэбіцца
Якая краіна, такія і героі!