У выніку ўдару па Вялікім Бурлуку на Харкаўшчыне загінулі чатыры чалавекі
Ратавальнікі працягваюць разбіраць завалы.
Ратавальнікі дэблакавалі з-пад завалаў у вёсцы Вялікі Бурлук Купянскага раёна Харкаўскай вобласці целы дзвюх жанчын, колькасць загінулых ад ракетнага ўдару РФ павялічылася да чатырох.
«Яшчэ адно цела 55-гадовай жанчыны ратавальнікі дэблакавалі з-пад завалаў», — паведаміў кіраўнік абласной адміністрацыі Алег Сінягубаў.
14 лютага ў Вялікім Бурлуку расейцы патрапілі ў двухпавярховы жылы дом і ў яшчэ адзін побач з ім.
Спачатку паведамлялася, што двое мужчын загінулі і пяць цывільных траўмаваныя, а пад заваламі знаходзяцца яшчэ тры жанчыны: 74, 55 і 27 гадоў. Пазней ратавальнікі дэблакавалі з-пад завалаў цела 74-гадовай жанчыны. Пошукава-выратавальная аперацыя працягваецца. Цяпер пад заваламі застаецца 27-гадовая жанчына, піша «Украінская праўда».
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў7
Каментары