Свет22

Кіраўнік МЗС Польшчы ацаніў ініцыятыву Макрона: Пуцін будзе пытаць сябе, які наш наступны крок

Міністр замежных спраў Польшчы Радаслаў Сікорскі мяркуе, што ўзнятая прэзідэнтам Францыі Эманюэлем Макронам дыскусія аб заходніх войсках ва Украіне з'яўляецца карыснай для ўплыву на Расію.

Міністр замежных спраў Польшчы Радаслаў Сікорскі. Фота: Maxym Marusenko / NurPhoto via Getty Images

Пра гэта ён сказаў на канферэнцыі ў польскім Сейме, прысвечанай 25-годдзю сяброўства Польшчы ў NATO, паведамляе «Еўрапейская праўда».

Каментуючы словы Макрона, Сікорскі нагадаў, што падобны прэцэдэнт ужо існаваў у гісторыі, а менавіта — падчас Карэйскай вайны 1950-1953 гадоў, калі на дапамогу краіне адправілася кааліцыя дзяржаў па рашэнні Савета Бяспекі ААН.

«Памятаеце, на Генеральнай Асамблеі Арганізацыі Аб'яднаных Нацый адразу пасля ўварвання больш за 140 краін з 190 прагаласавалі за тое, каб асудзіць агрэсію як непрымальную. Гэта не проста заява для прэсы, гэта стварэнне прававой базы», — лічыць ён.

Улічваючы гэта, дадаў кіраўнік польскага МЗС, «кааліцыя дзяржаў — членаў ААН тут для спынення агрэсіі не з'яўляецца чымсьці неймаверным».

«Вось чаму я цаню французскую ініцыятыву апошніх дзён. Таму што, на маю думку, яна мае добры намер, а менавіта — каб расійскі прэзідэнт пытаўся ў сябе, якім будзе наш наступны крок, а не каб ён быў упэўнены, што мы не зробім нічога крэатыўнага, і таму мог планаваць свае сцэнары», — падкрэсліў Сікорскі.

Прэзідэнт Францыі Эманюэль Макрон на мінулым тыдні заявіў, што нельга выключаць імавернай адпраўкі заходніх войскаў ва Украіну. Пасля ён дадаў, што яго рэзанансныя словы былі старанна прадуманы.

У той жа час заявы французскага прэзідэнта выклікалі негатыўную рэакцыю з боку ўрадаў краін-саюзніц, лідары якіх паспяшаліся запэўніць, што не будуць адпраўляць войскі.

Масква гнеўна адрэагавала на выказванні Макрона, папярэдзіўшы, што разгортванне заходніх войскаў ва Украіне непазбежна прывядзе да канфлікту паміж Расіяй і NATO.

Каментары2

  • Gorliwy Litwin
    08.03.2024
    Войскі НАТО маглі б заняць пазіцыі ўздоўж усіх межаў РБ, каб вызваліць украінскія сілы і падстрахаваць Сувалкаўскі калідор. Для пачатку. А яшчэ трэба выціснць вагнераўцаў і рэжымы, якія на іх трымаюцца, з Афрыкі, хусітаў з Емену і г.д. Калі ж гэтага не зрабіць - ўся сістэма заходняй дамінацыі на працягу наступных 7-10 гадоў рассыпецца як картачны домік і ўзровень жыцця і бяспека захождняга абывацеля ўпадуць да ўзроўню ранняга сярэднявечча. Непрыемны сюрпрыз для спадарыні Грэты і іншых сняжынак і хамячкоў.
  • Žvir
    08.03.2024
    Gorliwy Litwin, nu, biezumoŭna racyja. Pliusuju.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

ЗША запатрабавалі не называць Расію «агрэсарам» у заяве G7 па Украіне24

ЗША запатрабавалі не называць Расію «агрэсарам» у заяве G7 па Украіне

Усе навіны →
Усе навіны

Стан Папы Францішка крыху палепшаў1

Беларуска прапанавала забіраць на вайсковыя зборы толькі нежанатых мужчын17

24-гадовага экс-работніка EPAM судзяць за ўдзел у пратэстах2

Даляр і ена растуць на фоне заяваў Трампа аб тарыфах і кантактах ЗША і РФ па Украіне

Трамп заявіў пра зрыў пагаднення з Украінай па рэдказямельных металах7

Макрон: Еўропа гатовая павялічыць выдаткі на абарону і ўзяць на сябе адказнасць за бяспеку10

На X-старонцы Белага дома на Трампа надзелі каралеўскую карону. Гэта здзеклівы адказ апазіцыі8

Стармер патэлефанаваў Зяленскаму і сказаў, што праводзіць выбары падчас вайны неразумна. Пры Чэрчылю — не праводзілі4

У Маскве загарэўся будынак Інстытута дакладнай вылічальнай тэхнікі 5

больш чытаных навін
больш лайканых навін

ЗША запатрабавалі не называць Расію «агрэсарам» у заяве G7 па Украіне24

ЗША запатрабавалі не называць Расію «агрэсарам» у заяве G7 па Украіне

Галоўнае
Усе навіны →

Заўвага:

 

 

 

 

Закрыць Паведаміць