У Смалявічах гатовыя прыняць на працу лаўцоў птушак. Што трэба рабіць?
Аб'ява аб пошуку лаўцоў птушак была размешчана ў адным з вагонаў цягніка сталічнага метрапалітэна. На яе звярнула ўвагу чытачка агенцтва «Мінск-Навіны», датэлефанавалася да патэнцыйнага працадаўцы і падзялілася сваім вопытам пошуку працы.
Стандартная рэклама аб пошуку работнікаў прадпрыемствам. Патрабаваліся ўпакоўшчыкі, грузчыкі, слесары, трактарысты…
«Адразу на назву арганізацыі не звярнула ўвагу. Вока зачапілася за адну з вакансій у пераліку. Прадпрыемства шукала лаўцоў птушак! У галаве адразу паўстаў нейкі рамантычны вобраз, нешта зусім незвычайнае і нясумнае. Цікавы графік занятасці: тыдзень працуеш, тыдзень адпачываеш. Ну і заробак пазначаўся нават па сталічных мерках прыстойны — на рукі ад 2 000 рублёў», — расказала Юлія.
Праўда, калі чытачка ўважліва азнаёмілася з аб'явай, рамантыка рассеялася. Лаўцоў птушак шукала прадпрыемства «Смалявічы Бройлер». Абяцалі добрыя ўмовы працы, дастаўку з Мінска службовым транспартам, сацыяльны пакет, матэрыяльную дапамогу на харчаванне і кампенсацыю выдаткаў на медагляд.
«Усё ж цікавасць узяла верх, і я вырашыла даведацца пра вакансіі. Тым больш што разглядаю варыянт пераезду ў Смалявічы, раптам побач і працу добрую знайду.
Як аказалася, мая філалагічная адукацыя ў арганізацыі нікога не зацікавіла. Ім падыходзіў работнік нават без якой-небудзь «корачкі» і вопыту. Галоўнае патрабаванне — фізічна моцны, развіты чалавек.
Сутнасць працы — на працягу 15 гадзін (з абедзенным перапынкам) лавіць у памяшканні жывую птушку. Па сем двухкілаграмовых асобін браць у ахапку і несці ў скрыні. Мяне адразу папярэдзілі, што займаюцца гэтым фізічна моцныя мужчыны, якія, бывае, і суткі не вытрымліваюць.
Як варыянт, мне прапанавалі паспрабаваць сябе птушкагадоўкай — даглядаць за птушкай, адсочваць наяўнасць корму і вады, — падзялілася вопытам Юлія. — Магчыма, камусьці з мінчукоў такая занятасць спадабаецца, а я працягну свае пошукі».
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі25
Каментары
Цікава. :))