У Гродзенскім заапарку найлепшымі сяброўкамі сталі каза і сабака
Супрацоўнікі Гродзенскага заапарка падзяліліся кранальнай гісторыяй: лайка Вейса і каза Пудра жылі ў суседніх вальерах ветэрынарнага корпуса. Але аднойчы хтосьці збіў замок, і на раніцу жывёл пабачылі падчас сумеснай прагулкі. Пасля таго ветэрынары вырашылі больш не раз'ядноўваць суседак.
Улетку казу перамясцілі ў іншую частку заапарка, і лайка затужыла — перастала ісці на кантакт з людзьмі. Прыйшлося вяртаць Пудру да сваёй сяброўкі.
Калі ў Пудры з'явіліся казляняты, Вейсу аддзялілі ад сям'і. Але малыя пралазілі праз краты, а лайка пачала клапаціцца пра іх: «абараняла брэхам ад людзей, якія праходзяць міма, і грэла сваім густым футрам».
Як пішуць супрацоўнікі заапарка, Вейса працуе начным вартаўніком у службе аховы, а Пудра — «малочнай кухняй». Менавіта яе малаком выкормліваюць зверанят, ад якіх адмовіліся маці, і падкінутых маладых жывёл.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары