У індэксе свабоды прэсы Беларусь апынулася паміж Саудаўскай Аравіяй і Кубай
Арганізацыя «Рэпарцёры без межаў» паставіла Беларусь на 167 месца ў сваім штогадовым «Сусветным індэксе свабоды прэсы» па выніках 2023 года. І гэта на 10 пазіцый ніжэй за леташні паказчык.
Арганізацыя «Рэпарцёры без межаў» штогод праводзіць аналіз умоваў для здзяйснення журналістамі сваіх прафесійных абавязкаў. Ацэнка даецца па пяці крытэрыях: бяспека, прававая база, палітычны, эканамічны і сацыяльна-культурны кантэкст. Усяго ў індэксе 180 краін.
Беларусь традыцыйна ўваходзіць у «чырвоную» зону — групу краін, дзе ўмовы для працы журналістаў самыя горшыя. Усяго ў ёй 36 краін. Цяпер наша краіна знаходзіцца на 167 месцы паміж Саудаўскай Аравіяй і Кубай. Сярод краін былога СССР толькі Туркменістан апынуўся ніжэй — на 175 месцы.
У той жа час Украіна, з якой Расія працягвае весці вайну, у індэксе знаходзіцца на 61-м месцы.
Агульная трывожная тэндэнцыя
«У глабальным маштабе відавочна адно: свабода прэсы знаходзіцца над пагрозай з боку тых самых людзей, якія павінны быць яе гарантамі — палітычных уладаў», — сцвярджаюць аўтары і звяртаюць увагу, што з пяці крытэрыяў, з якіх складаецца рэйтынг краіны, менавіта палітычны найбольш знізіўся ў індэксе за 2024 год — на 7,6 пункта.
Хто найлепшы і найгоршы
У параўнанні з мінулым годам адбыліся змены ў канцы спісу. Такія краіны як Кітай (172-е месца ў Індэксе 2024 года), В'етнам (174-е), Паўночная Карэя (177) саступілі свае пазіцыі Афганістану, Сірыі і Эрытрэі, дзе адбылося значнае пагаршэнне палітычнага кантэксту.
«Я падняў аднаго са слабавікоў — і выпусціў яго на асфальт». Дэсантнік Руслан Акостка расказаў, як адседзеў 4 гады17
Каментары