Прэзідэнт ЗША даў загад амерыканскім узброеным сілам прыступіць да нанясення магутных удараў па еменскіх паўстанцах, якія тэрарызуюць рэгіён.
Яго словы перадае выданне BBC News.
«Сёння я загадаў Узброеным сілам ЗША прыступіць да рашучых і магутных дзеянняў супраць ёменскіх тэрарыстаў: хусітаў», — напісаў Трамп у сваёй сацсетцы Truth Social, патлумачыўшы сваё рашэнне тым, што хусіты не спыняюць абстрэлы амерыканскіх і іншых караблёў, самалётаў і беспілотнікаў.
«Паведамляю тэрарыстам-хусітам: ваш час скончыўся. Вы павінны спыніць атакі сёння ж. У адваротным выпадку вас чакаюць такія пякельныя мукі, якіх вы яшчэ не адчувалі», — дадаў прэзідэнт ЗША.
«Нашы адважныя вайскоўцы проста зараз наносяць паветраныя ўдары па базах тэрарыстаў, іх лідарах і супрацьракетнай абароне, каб абараніць амерыканскія марскія, паветраныя і ваенна-марскія актывы і аднавіць свабоду суднаходства», — напісаў Трамп.
Ён таксама заклікаў Іран спыніць аказанне падтрымкі хусітам. «Не смейце пагражаць амерыканскаму народу, яго прэзідэнту, які атрымаў адзін з найбуйнейшых мандатаў у гісторыі прэзідэнцтва, або сусветным суднаходным шляхам.
Калі вы гэта зробіце, асцерагайцеся, бо Амерыка прымусіць вас цалкам адказаць за гэта, цырымоніцца мы з вамі не будзем», — папярэдзіў Трамп.
У дачыненні да Расіі, якая вядзе агрэсіўную вайну супраць Украіны, Трамп і яго адміністрацыя прытрымліваюцца зусім іншай рыторыкі.
Каментары