У рукі сілавікоў трапілі дакументы Асацыяцыі беларускіх добраахвотнікаў. Як гэта магло адбыцца?
Тэлеграм-канал Рамана Пратасевіча апублікаваў паперы, звязаныя з Асацыяцыяй беларускіх добраахвотнікаў — супольнасцю беларусаў-ветэранаў вайны ва Украіне. «Наша Ніва» спытала аднаго з актывістаў асацыяцыі, экс-каліноўца Аляксандра Клачко, пра тое, як магла здарыцца такая ўцечка.
Паперы, якія апублікаваў Пратасевіч, датычаць структуры і задач асацыяцыі, там пазначаныя імёны супрацоўнікаў аб'яднання. Яшчэ адна папера — тэкст пад назвай «Навошта Літве падтрымліваць ветэранаў вайны ва Украіне» з прапановамі па дзяржаўнай дапамозе экс-добраахвотнікам, якія перабраліся ў Літву. Таксама ў канале, сярод іншага, з'явіўся расповед пра канфлікт з кіраўніцай беларускага шэлтара ў Польшчы, якая быццам адмовілася засяліць туды былога ваяра.
Пратасевіч апублікаваў і паперы, якія ў канале названыя «фінансавай справаздачнасцю» каліноўцаў. Паводле інфармацыі канала, у гэтых паперах пазначаныя даныя па даходах і выдатках палка Каліноўскага.
Аляксандр Клачко адзначае, што адным з актывістаў Асацыяцыі беларускіх дабраахвотнікаў быў Васіль Верамейчык — былы каліновец, якога затрымалі ў лістападзе 2024-га. Мужчыну схапілі ў В’етнаме і вывезлі ў Беларусь, дзе ён з таго часу знаходзіцца пад вартай.
На прыладах у Васіля, кажа Клачко, знаходзілася шмат інфармацыі датычна дзейнасці асацыяцыі. Аўтарам ці суаўтарам часткі з гэтых папер з’яўляўся сам Верамейчык. Такім чынам, у рукі сілавікоў маглі трапіць усе матэрыялы, якія знаходзіліся на прыладах Васіля або да якіх Васіль мог мець доступ.
Аляксандр адзначае, што не параўноўваў слова ў слова напісанае ў злітых паперах з арыгіналам:
«Агульны сэнс у іх адлюстроўвае публічныя і ўнутраныя абставіны, з якімі сутыкаліся беларускія ветэраны пасля вяртання да мірнага жыцця. Частка інфармацыі, якая згадваецца ў паперах, прама агучвалася ў СМІ — становішча і патрэбы беларускіх ветэранаў і іх сем'яў на той час. Па іншай частцы, звязанай з шэлтарам у Варшаве, нічога сказаць не магу, бо не быў бокам узаемадзеяння ў той сітуацыі».
«Наша Нiва» — бастыён беларушчыны
ПАДТРЫМАЦЬЦяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары
Як можа чалавек, якога Літва сама хоча выкінуць з Літвы праводзіць дзеянні па факце выпіхвання Верамейчыка з Літвы і Еўропы?
Тут павінны іншыя заступіцца і за Клачко і за Верамейчыка. Такія як вы, напрыклад.