Дэпутату пры адказе пра статус герба Пагоня давялося выкручвацца. «У нас ёсць паняцце экстрэмісцкай сімволікі, але прамой забароны, тое, пра што вы кажаце, няма».
Дэпутат і гісторык Ігар Марзалюк прыйшоў на праграму БТ «100 пытанняў даросламу». Там яго папрасілі растлумачыць, чаму бел-чырвона-белы сцяг, які быў дзяржаўным у 1990-я, цяпер забаронены.
«Яго выкарыстоўвалі на Усебеларускім кангрэсе ў 1917-м годзе. Ён быў абсалютна пазітыўным момантам. Але потым была вайна. І гэты сцяг стаў аб'ектыўна сімвалам і маркерам тых беларускіх нацыяналістаў, якія супрацоўнічалі з Гітлерам», — даводзіў Марзалюк, што нацыянальны сцяг у многіх асацыюецца з акупацыяй.
«Вось для мяне на сённяшні дзень людзі, якія выходзяць пад гэтым сцягам на дэманстрацыі і ўсё астатняе, гэта людзі, якія хацелі знішчыць маю краіну ў 2020 годзе. І на сённяшні дзень ён стаў (…) сімвалам нянавісці аднаго беларуса да іншага».
Дэпутат дадаў, што большасць насельніцтва нацыянальным сцягам лічыць афіцыйны чырвона-зялёны.
«Герб Пагоня таксама пад забаронай?» — спыталі ў Марзалюка.
«Не, ён ніколі не быў… Хто яго забараняў? Ёсць пастанова Савета Міністраў ад 2008 года, згодна з якой усе гістарычныя выявы герба Пагоня знаходзяцца пад аховай дзяржавы.
Не блытайце. Дзяржаўны герб Беларусі 1991-1995 года, які з'яўляецца навадзельным, які стварылі беларускія мастакі, ён аддалена нагадвае Пагоню эпохі Вітаўта-Ягайлы, але толькі аддалена. А вось усе гістарычныя, рэальныя выявы Пагоні, яны выкарыстоўваюцца ў тым ліку ў афіцыйнай геральдыцы беларускіх гарадоў.
Схадзіце на Плошчу сцяга і паглядзіце на гербы, ну скажам, Віцебскай вобласці і іншыя. І вы ўбачыце, што Пагоня альбо як элемент герба, альбо сцяга, альбо як асноўны элемент, выкарыстоўваюцца.
Дарэчы, у нас ёсць паняцце экстрэмісцкай сімволікі, але прамой забароны, тое, пра што вы кажаце, няма. І Пагоню ніхто не забараняў гістарычную. Яе выкарыстоўваюць».
Пры гэтым за налепкі з Пагоняй ці яе выяву на вокладцы пашпарта людзей адпраўляюць у ізалятар на суткі. Фактычна гэта сімволіка пад забаронай.
Марзалюк выказаўся таксама, што беларускую мову трэба абараняць.
«У Канстытуцыі напісана, што ў нас дзве дзяржаўныя мовы. І любы, хто абражае па-хамску нашу мову, прыніжае нашу годнасць, таму што абраза мовы, любой мовы, гэта прыкмета хамства і невуцтва.
І за гэта трэба несці пакаранне. Таму што гэта распальванне расавай, нацыянальнай нянавісці на моўнай глебе. І за гэта трэба адказваць. І ў адміністрацыйным, і ў крымінальным плане, калі склад злачынства ёсць».
Цяпер чытаюць
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента36
Каментары
Он переживает за Беларусь. Поэтому сотрудничает с оккупационной властью. Примерно такая же ситуация была в 1941-44.