Сёння ў інтэрнэце з'явілася відэа, на якім бачна, як у гарадскім пасёлку Бягомль Докшыцкага раёна гарыць мясцовая славутасць — самалёт Іл-14, заўважыў Smartpress. Ён знаходзіцца проста ля трасы М3, на кругавым скрыжаванні.
Калісьці гэты самалёт выкарыстоўвалі ў палярнай авіяцыі, а пасля перадалі Бягомльскаму музею народнай славы ў памяць пра подзвіг ураджэнцаў краю. Падчас Другой сусветнай вайны ў Бягомлі дзейнічаў партызанскі аэрадром, які звязваў рэгіён з «вялікай зямлёй», і помнік паводле задумы мае нагадваць пра гэта.
Доўгі час самалёт стаяў у двары музея, потым яго адрэстаўравалі і перамясцілі на больш бачнае месца.
Што здарылася з самалётам і чаму ён загарэўся, пакуль інфармацыі няма.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары