У Нясвіжскім раёне інкасатарская машына згубіла мех з грашыма. Мінчанін знайшоў іх
У мяху былі 20 тысяч рублёў для пенсіянераў.
У службу Нясвіжскага РАУС паступіла паведамленне ад мінчаніна. Мужчына паведаміў, што паблізу вёскі Салтанаўшчына Нясвіжскага раёна, праязджаючы на машыне, ён на дарозе убачыў інкасатарскі мяшок з грашыма, у якім знаходзіліся мяшкі паменш.
Аказалася, што кіроўцу Слуцкага раённага ўпраўлення паштовай сувязі ў Нясвіжскім аддзяленні для перавозкі была перададзена карэспандэнцыя і ўпакоўка з мяшкамі. У іх знаходзіліся грошы для пенсійных і іншых выплат.
Мяшкі былі загружаныя ў грузавы адсек службовага аўтамабіля УАЗ. Пры гэтым дзверы адсека былі зачыненыя толькі на дрот з-за тэхнічнай няспраўнасці замка. Мяшок з грашыма выпаў з аўтамабіля на дарогу, дзе і быў знойдзены неабыякавым грамадзянінам, а пасля перададзены супрацоўнікам міліцыі.
20 тысяч рублёў былі вернутыя ў арганізацыю.
Цяпер чытаюць
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі42
Каментары