У харвацкім горадзе Дарувар за 130 км на ўсход ад сталіцы краіны Заграба пяць чалавек былі забітыя, а пяць параненыя ў выніку распачатай страляніны ў мясцовым доме састарэлых, паведамілі харвацкія СМІ. Адзін з параненых пасля памёр у бальніцы.
Харвацкія СМІ паведамілі, што забойца, былы вайсковец і ветэран вайны, увайшоў у дом састарэлых і пачаў страляць. Сярод забітых была і ягоная родная маці.
Зламысніку ўдалося ўцячы з месца злачынства, але пазней ён быў арыштаваны паліцыяй.
Праводзіцца расследаванне.
Каментары