Сваякі сцвярджаюць, што мужчыну завербавалі ў расійскае войска падманам.
На вайне ва Украіне загінуў індыец, завербаваны ў расійскую армію.
Гэта ўжо пятая пацверджаная смерць грамадзяніна Індыі на фронце за апошні час, піша Бі-бі-сі са спасылкай на AFP.
22-гадовы Раві Мун адправіўся ў Расію ў студзені, пасля таго як прыватны агент па працаўладкаванні паабяцаў яму працу ў сферы транспарту.
Аднак на месцы яго навучылі валоданню зброяй і ў сакавіку адправілі на фронт, расказаў брат мужчыны Аджай.
«Страціўшы з ім сувязь, я звярнуўся ў амбасаду Індыі ў Маскве, дзе нам паведамілі, што мой брат памёр», — адзначыў ён, дадаўшы, што амбасада папрасіла сям'ю даслаць узоры ДНК для апазнання цела Муна.
Сваякі таксама звярнуліся па дапамогу ў офіс прэм'ер-міністра Індыі Нарэндры Модзі, каб вярнуць цела на радзіму.
На мінулым тыдні Міністэрства замежных спраў Індыі заявіла, што ўрад працягвае працаваць з расійскімі ўладамі, каб вярнуць каля 50 індыйцаў, якія ваююць у расійскай арміі.
У пачатку ліпеня стала вядома, што расійскія ўлады пачалі выплачваць кампенсацыі сем'ям грамадзян Індыі, якія былі завербаваныя на вайну і загінулі там. Гэтае пытанне на сустрэчы з Уладзімірам Пуціным падымаў нядаўна Нарэндра Модзі.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары