Пра тое, што ў беларускай паветранай прасторы зноў адзначаецца прысутнасць іранскіх беспілотнікаў, якія выкарыстоўвае для вядзення вайны супраць Украіны расійская армія, паведамляе маніторынгавая група «Беларускі Гаюн».
Паводле «Беларускага Гаюна», недзе апоўначы з аэрадрома «Баранавічы» быў узняты ў паветра знішчальнік ВПС РБ. Гэты палёт звязваецца з неабходнасцю перахопу расійскага беспілотніка Shahed-136/131.
Таксама маніторынгавая група згадвае пра прылёт раніцай у аўторак на аэрадром «Лунінец» двух верталётаў Мі-8 ВПС РБ, а таксама пра тое, што з 15 па 26 ліпеня на аэрадроме «Бабруйск» практычна штодня дзяжурылі верталёты Мі-8 і Мі-24. Прычынай гэтага бачыцца імкненне скараціць падлётны час да мяжы з Украінай для перахопу шахедаў, якія залятаюць у Беларусь.
Цяпер жа ўкраінскія маніторынгавыя групы зафіксавалі, што адзін з дронаў рухаўся па тэрыторыі беларускага Палескага радыяцыйна-экалагічнага запаведніка ў кірунку Чарнобыля. Таксама яны ж паведамлялі пра заход у Беларусь прынамсі яшчэ аднаго беспілотніка.
Пры гэтым не менш за 6 расійскіх дронаў было таксама заўважана на поўначы Чарнігаўскай вобласці каля мяжы з Беларуссю, і яны таксама патэнцыйна маглі перасячы мяжу.
«Усякія сітуацыі ў жыцці бываюць». Павук спытаў у мясцовых уладаў пра шахед, што ўпаў у Акцябрскім
Чаму расійскія дроны сталі часцей залятаць у Беларусь?
Расійскі шахед выбухнуў за 55 км ад Бабруйска
Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю
Уначы шахед зноў заляцеў у Беларусь
У Беларусь зноў заляцеў шахед. Гэтым разам ён дабраўся да Віцебска
Учора на Беларусь заляцеў расійскі шахед. Што гэта было?
Каментары