Інцыдэнт адбыўся ў панядзелак 12 жніўня ў 23.30 на плошчы Дука д'Аоста перад Цэнтральным чыгуначным вакзалам.
Пагражаючы нашай суайчынніцы інструментам, 27-гадовая ўраджэнка Неапаля, якая прыехала ў Мілан, запатрабавала яе мабільны. У беларускі не было іншага выбару, як аддаць свой смартфон. Рабаўніца знікла, піша «Беларусь і свет».
Пацярпелая звярнулася па дапамогу да праваахоўнікаў. Вартавыя парадку неадкладна адрэагавалі. Ім удалося затрымаць правапарушальніцу, раней судзімую, і даставіць яе ў гарадскі раён Сан-Віторыа, дзе знаходзяцца мясцовае аддзяленне паліцыі і турма. Нашай суайчынніцы, нягледзячы на перажыты страх, дапамога медыкаў не спатрэбілася.
Цікава, што літаральна напярэдадні, у ноч на нядзелю 11 жніўня, тая ж самая жанчына паўдзельнічала ў здзяйсненні іншага злачынства ў раёне каланады Сан-Ларэнца — цэнтры начнога жыцця Мілана. Каля 01.00 яна адцягнула ўвагу румынкі сваіх гадоў, якая бавіла вечар з сябрамі, а тым часам саўдзельнік — 19-гадовы алжырац — сцягнуў у той сумачку.
Усё адбылося ў лічаныя секунды, але пацярпелая заўважыла тое, і яе сябар кінуўся ў пагоню за злодзеямі. Тыя паспелі дабрацца да плошчы П'яца, і там маладому чалавеку ўдалося спыніць іх з дапамогай патрульных. Пасля арышту і здзяйснення ўсіх працэсуальных дзеянняў жанчыну адпусцілі. І вось — новае затрыманне.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары