54-гадовую мінчанку судзяць за дапамогу палітвязням. Пра яе затрыманне раней не было вядома
Алене Тапарковай пагражае да сямі гадоў калоніі.
Мінчанцы Алене Тапарковай 54 гады. Скончыла Беларускую дзяржаўную політэхнічную акадэмію (цяпер — БНТУ).
Імаверна, Алену затрымалі падчас рэйда на салідарных з палітвязнямі, які адбыўся напрыканцы студзеня 2024 года.
Суд над Аленай пачынаецца 5 верасня ў Мінскім гарадскім судзе. Яе вінавацяць у «садзейнічанні экстрэмісцкай дзейнасці» (ч. 1 і ч. 2 арт. 361-4 КК). Судзіць яе будзе Святлана Макарэвіч, якая доўгі час судзіць людзей па палітычных справах.
Людзі, якія трапілі пад аблаву на салідарных з палітвязнямі, якая адбылася з 23 па 24 студзеня, кажуць, што лік тых, на каго завялі крымінальныя справы, можа быць значна большы, чым вядома праваабаронцам. Абсалютна непублічныя проста рабілі пераводы ці адпраўлялі пасылкі палітвязням з уласных сродкаў.
Ва ўсіх вядомых выпадках тым, хто дапамагаў палітвязням, прысуджалі пакаранне, звязанае з пазбаўленнем волі. Напрыклад, пенсіянерцы Наталлі Малец, якая дасылала малыя сумы з уласнай пенсіі, прысудзілі тры з паловай гады калоніі, а Ірыне Пагадаевай, якая даслала палітвязням агулам 188 рублёў, прысудзілі тры гады калоніі.
«Наша Нiва» — бастыён беларушчыны
ПАДТРЫМАЦЬЗатрыманых некалькі соцень, некаторым пасля допытаў не вяртаюць пашпарты. Падрабязнасці аблавы на салідарных з палітвязнямі
Стала вядома, якія катэгорыі людзей пакінулі за кратамі пасля апошняй аблавы на салідарных з палітвязнямі
«На аблавах былі задзейнічаныя 174 следчыя». Праваабаронцы расказалі падрабязнасці пра студзеньскі хапун
Былы міністр культуры Руслан Чарнецкі знайшоў сабе падпрацоўку9
Каментары
Што пасееш, то пажнеш.