Кіраўніцу аддзела маркетынгу пяцізоркавага гатэля судзяць за пратэсты і дапамогу палітвязням
Марыну Алісеенка, імаверна, затрымалі падчас рэйда на салідарных з палітвязнямі.
Марыне Алісеенка 40 гадоў. Яна з Мінска, скончыла Мінскі дзяржаўны лінгвістычны ўніверсітэт у 2008 годзе. Пасля гэтага працавала перакладчыкам, але ў 2012 годзе ўладкавалася ў элітны пяцізоркавы мінскі гатэль Crowne Plaza. Кошт нумару там — ад 100 еўра за дваіх.
Марына імкліва расла ў кар'еры. За два гады яна з асістэнта менеджара па продажах стала кіраўніком аддзела продажу і маркетынгу. Марына шмат працуе і вучыцца, прайшла за сваю прафесійную кар'еру даволі шмат трэнінгаў і курсаў.
Падобна, што цяпер Марына Алісеенка за кратамі. Яе сацсеткі не абнаўляюцца з 22 студзеня 2024 года, апошняя актыўнасць была за два дні да аблавы КДБ на тых, хто дапамагаў палітвязням.
Суд над Марынай пачнецца 2 кастрычніка 2024 года ў Мінскім гарадскім судзе. Яе вінавацяць па двух артыкулах — «садзейнічанне экстрэмісцкай дзейнасці» (ч. 1 і 2 арт. 361-4 КК) і «ўдзел у дзеяннях, якія груба парушаюць грамадскі парадак» (ч. 1 арт. 342 КК). Жанчыне пагражае ад двух гадоў хіміі да сямі гадоў калоніі.
Судзіць яе будзе Сяргей Хрыпач. Ён судзіць за палітыку ўжо больш за 15 гадоў. Найбольш гучныя яго працэсы — справа «Рэвалюцыйнага дзеяння» (Марфа Рабкова, Аляксандр Францкевіч і яшчэ 10 чалавек) і «справа падпалу дома Гайдукевіча» (сям'я Вайцяховічаў і Вадзім Пракоп'еў). Таксама ён адправіў за краты цяжкахворага палітвязня Вадзіма Храсько, які памёр за кратамі.
«Наша Нiва» — бастыён беларушчыны
ПАДТРЫМАЦЬЦяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»19
Каментары