На беларуска-расійскай мяжы ўзмоцняць кантроль грузаў, заявіў у эфіры дзяржаўнага тэлебачання старшыня Дзяржаўнага мытнага камітэта Уладзімір Арлоўскі.
Паводле слоў чыноўніка, цяпер вялікія намаганні прыкладаюцца для выяўлення парушэнняў у эканамічнай сферы, асабліва калі гэта буйныя партыі кантрабанды.
Для гэтых мэтаў ужо паўтара года скануюць усе пасылкі, якія паступаюць у Беларусь не толькі з трэціх краін, але ў тым ліку і з ЕАЭС, калі яны ідуць ад юрыдычных асоб. Гэта дазваляе знаходзіць значную колькасць прадметаў, забароненых або абмежаваных да ўвозу: зброю, боепрыпасы, квадракоптары і наркотыкі, падкрэсліў кіраўнік мытнага ведамства.
Уладзімір Арлоўскі адзначыў, што надглядная тэхніка ёсць у пунктах пропуску на заходняй мяжы, а цяпер нададуць увагу і ўсходняму кірунку. Сканеры з'явяцца ў Магілёўскай і Віцебскай абласцях. Сканаваць будуць грузавыя і легкавыя аўтамабілі, а таксама багаж.
Тлумачыцца гэта тым, што часам забароненыя замежныя тавары ўвозяцца ў Беларусь праз Расію.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь11
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары