Raiffeisen застанецца банкам-карэспандэнтам Прыёрбанка пасля продажу
Долю аўстрыйцаў у Прыёрбанку набыла група з ААЭ.
Інвестар з ААЭ SOVEN 1 Holding Limited набыў у Raiffeisen Bank International AG 100% акцый Raiffeisen CIS Regional Holding GmbH. Менавіта гэтай кампаніі належалі 87,74% акцый беларускага Прыёрбанка.
Такім чынам, доля ў Прыёрбанку пераходзіць арабскаму інвестару. Аднак Raiffeisen пакуль застанецца банкам-карэспандэнтам, гэта значыць пасярэднікам, для міжнародных пераводаў у еўра і далярах, піша dev.by.
«Raiffeisen Bank International мае намер заставацца банкам-карэспандэнтам. Змены ўсё ж магчымыя ў сувязі з санкцыямі, а таксама зменай стандартаў і ўнутранай палітыкі RBI», — паведамілі ў аўстрыйскай групе.
Прыёрбанк заяўляў, што «працягне абслугоўваць кліентаў у адпаведнасці са сваімі аперацыйнымі і стратэгічнымі банкаўскімі патрабаваннямі».
SOVEN 1 і Raiffeisen будуць працаваць разам з Прыёрбанкам, каб дасягнуць поўнага завяршэння здзелкі ў чацвёртым квартале гэтага года.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім2
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары