З Беларусі сышоў яшчэ адзін знакавы інвестар — нямецкая кампанія Carl Zeiss, якая з'яўляецца адным з сусветных лідараў у вытворчасці оптыкі, паведамляе Plan B.
У чэрвені 2024 года Еўрасаюз увёў санкцыі супраць іх шматгадовага партнёра БелОМА. Каб выйсці з капіталу сумеснага прадпрыемства «Цэйс-БелОМА», кіраўніцтву Carl Zeiss спатрэбілася некалькі тыдняў.
Carl Zeiss быў у першай дзясятцы буйных нямецкіх бізнэсаў, якія арганізавалі ў 1990-х вытворчасць на тэрыторыі Беларусі. Адбылося гэта ў 1995 годзе ў памяшканнях і цэхах Беларускага оптыка-механічнага аб'яднання. БелОМА тады праходзіла праз цяжкі працэс рэканверсіі. З'яўленне ў якасці партнёра вядомай і профільнай заходняй кампаніі, як меркавалася, павінна было зрабіць яе менш балючай.
У сумесным прадпрыемстве «Цэйс-БелОМА» немцы атрымалі 60% і за некалькі гадоў арганізавалі ўзорную вытворчасць лінзаў, механічных кампанентаў, мікраскопаў і медыцынскіх прыбораў. Асноўнымі іх атрымальнікамі сталі заводы Carl Zeiss у Германіі, ЗША і Францыі.
На піку на вытворчасці было занята каля 400 чалавек. Па грошах, укладзеных у СП, і аб'ёмах прадукцыі, якія выпускаюцца ім, на інвестыцыйнай карце Беларусі «Цэйс-БелОМА» адносіўся да сераднячка. Але яго былы генеральны дырэктар Уве Келер фактычна стаў дуаенам усіх замежных інвестараў у Беларусі.
Пры яго актыўным удзеле быў створаны і доўгі час досыць эфектыўна функцыянаваў Кансультатыўны савет па замежных інвестыцыях пры беларускім урадзе.
Лукашэнка хоча, каб кіраўнікі райвыканкамаў прызначалі і дырэктараў прыватных структур15
Каментары