14-гадовую гродзенскую школьніцу асудзілі на 10 гадоў калоніі за адзін грам наркотыкаў
Чатырнаццацігадовую школьніцу з Гродна, якую затрымалі на закладках наркотыка, асудзілі на 10 гадоў калоніі, паведамляе «Беларусь 4». Займалася школьніца гэтым, адзначаецца ў сюжэце, нядоўга.
Паводле памочніцы пракурора Дар’і Пачобут, школьніца «ў складзе арганізаванай групы ажыццяўляла незаконны абарот асабліва небяспечнага псіхатропнага рэчыва 4-СМС вагой каля аднаго грама».
Памочніца пракурора дадала, што школьніца займалася распаўсюдам наркотыкаў «на працягу кароткага часу», больш канкрэтна яна не ўдакладніла.
Суд прызначыў школьніцы 10 гадоў пазбаўлення волі ў выхаваўчай калоніі, прызнаўшы яе вінаватай паводле ч. 4 арт. 328 Крымінальнага кодэксу (незаконны абарот наркатычных сродкаў, псіхатропных рэчываў, іх прэкурсораў і аналагаў, учынены арганізаванай групай).
Паводле начальніцы інспекцыі па справах непаўналетніх Кастрычніцкага РАУС Гродна Дыяны Алешчык, падлеткі знаходзілі аб’явы пра нелегальны заробак у сеціве. З імі звязваўся куратар і казаў расфасоўваць і даручаў распаўсюджваць наркотыкі, робячы закладкі.
Усе падлеткі з паспяховых сем’яў, самі наркотыкі не ўжывалі, у поле зроку міліцыі раней не траплялі, дадае Алешчык.
Колькасць затрыманых падлеткаў яна не назвала, але адзначыла, што ўсім ім пагражаюць тэрміны ад 10 гадоў заняволення.
Крымінальная адказнасць у Беларусі надыходзіць з 16 гадоў, але за шэраг цяжкіх злачынстваў, у тым ліку за наркотыкі, падлеткаў могуць прыцягнуць да адказнасці з 14 гадоў.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары