«Крыма больш няма». Амерыка пры Трампе не збіраецца дапамагаць Украіне вяртаць акупаваныя Расіяй тэрыторыі?
Браян Ланза, які быў дарадцам Трампа падчас выбарчай кампаніі, заявіў, што новая адміністрацыя засяродзіцца на дасягненні міру ва Украіне.
Пра гэта палітык распавёў у эфіры праграмы «Weekend» на BBC World Service, перадае выданне «Українська правда».
Дарадца Трампа і стратэг Рэспубліканскай партыі адзначыў, што новая адміністрацыя звернецца да прэзідэнта Украіны Уладзіміра Зяленскага з просьбай прадставіць сваё «рэалістычнае бачанне міру».
«Калі прэзідэнт Зяленскі сядзе за стол перамоваў і скажа, што мы можам дасягнуць міру толькі ў выпадку, калі ў нас будзе Крым, ён пакажа нам, што ён несур'ёзна ставіцца да гэтага…
Калі Зяленскі заяўляе, што мы спынім баявыя дзеянні і што мір наступіць толькі тады, калі Крым будзе вернуты,
у нас ёсць навіна для прэзідэнта Зяленскага: Крыма больш няма… І калі ваш прыярытэт — вяртанне Крыма і прыцягненне амерыканскіх салдат для вяртання Крыма, то вы застанецеся самі па сабе».
Ланза не згадваў пра акупаваныя тэрыторыі ўсходняй Украіны, але адзначыў, што вяртанне Крыма Украіне з'яўляецца нерэалістычным і «не з'яўляецца мэтай Злучаных Штатаў».
Нягледзячы на словы дарадцы Трампа, Украіна ніколі не звярталася да ЗША з просьбай накіраваць сваіх вайскоўцаў для барацьбы супраць Расіі, гаворка ішла толькі пра вайсковую дапамогу.
Ланза таксама дадаў, што ставіцца з вялікай павагай да ўкраінскага народа, апісаўшы яго як народ «з сэрцам ільва». Але, паводле яго слоў, прыярытэтам ЗША з'яўляецца «мір і спыненне забойстваў».
«Мы хочам сказаць Украіне: вы разумееце, што бачыце? Якое вашае рэалістычнае бачанне міру? Гэта не бачанне перамогі, але бачанне міру. І давайце пачнем сумленную размову», — сказаў ён.
Дарадца Трампа таксама раскрытыкаваў падтрымку, якую адміністрацыя Байдэна-Харыс і еўрапейскія краіны аказалі Украіне пасля поўнамаштабнага ўварвання Расіі ў лютым 2022 года.
«Рэальнасць на месцах такая, што еўрапейскія дзяржавы і прэзідэнт Байдэн не далі Украіне магчымасці і зброі для перамогі ў гэтай вайне ў самым пачатку і яны не здолелі зняць абмежаванні для перамогі Украіны», — сказаў ён.
Аўтаслесар, афіцыянт, танцор у Тайландзе, ролі ў «Мухтары» і «Сватах». Пяць фактаў пра новага міністра культуры Чарнецкага12
Каментары