Даходы ФІФА ад правядзення чэмпіянату свету 2026 года складуць рэкордныя $15 млрд
Дональд Трамп заявіў, што ЗША гатовы прыняць яшчэ адзін чэмпіянат.
ФІФА чакае рэкордныя 15 мільярдаў даляраў даходаў ад сёлетняга чэмпіянату свету, што значна перавышае мэты, пастаўленыя перад турнірам, піша The Guardian.
Першапачаткова чакалася, што прыбытак складзе 11 мільярдаў даляраў. Значная доля гэтага прыросту прыпадае на сэрвіс гасціннасці (VIP-пакеты) і продаж квіткоў, асабліва праз другасны рынак з яго высокімі цэнамі. ФІФА забірае сабе 15% з пакупніка і яшчэ 15% з прадаўца на другасным рынку.
Такі фінансавы поспех таксама можа павялічыць шанцы ЗША прыняць яшчэ адзін чэмпіянат у найбліжэйшай будучыні. Наступны чэмпіянат свету, на які прымаюцца заяўкі, — гэта турнір 2038 года. У пятніцу на прыёме Дональд Трамп пацвердзіў жаданне сваёй краіны паўтарыць гэты досвед. «Вы павінны зноў выбраць Злучаныя Штаты Амерыкі, — сказаў ён. — Гэтым разам мы пакінем Канаду і Мексіку за бортам». ЗША таксама правялі перамовы з ФІФА наконт правядзення Клубнага чэмпіянату свету ў 2029 годзе.
У суботу ўвечары на білетным партале ФІФА яшчэ можна было знайсці VIP-пакеты на нядзельны фінал паміж Іспаніяй і Аргенцінай, які праходзіць у Нью-Джэрсі. Квіткі ў зону «trophy lounge» (лаундж прэміум-класа) прадаваліся па цане 34 500 даляраў з чалавека.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары