Доктару біялагічных навук было 90 гадоў.
На 91-м годзе жыцця памёр доктар біялагічных навук, прафесар, заслужаны дзеяч навукі Беларусі Віктар Парфёнаў, паведаміла Акадэмія навук.
Віктар Парфёнаў нарадзіўся 23 верасня 1934 года ў Прудку Смаленскай вобласці. Скончыў Буда-Кашалёўскі лясны тэхнікум. Беларускі тэхналагічны інстытут. У 1959 годзе ўладкаваўся працаваць у Інстытут біялогіі АН БССР, напісаў кандыдацкую дысертацыю на тэму «Даследаванне яловых лясоў і унутрывідавай зменлівасці елкі звычайнай на поўдні арэала (у Палессі)».
У 1965-1968 гадах Віктар Парфёнаў быў вучоным сакратаром Савета па каардынацыі навуковай дзейнасці АН БССР. Потым перайшоў на працу ў Інстытут эксперыментальнай батанікі загадчыкам аддзела флоры і гербарыя.
У 1971 годзе Віктар Парфёнаў стаў намеснікам дырэктара Інстытута па навуковай рабоце, а ў 1972 годзе — дырэктарам. За 28 гадоў працы інстытут пад кіраўніцтвам Віктара Іванавіча тройчы яго супрацоўнікам прысуджалася Дзяржаўная прэмія БССР, было абаронена 19 доктарскіх дысертацый.
Віктар Парфёнаў кіраваў Саветам маладых вучоных Акадэміі навук Беларусі, затым навуковым саветам па праблемах Палесся
З 2000 года Парфёнаў — ганаровы дырэктар Інстытута эксперыментальнай батанікі НАН Беларусі і загадчык аддзела гэтага інстытута. Таксама Віктар Іванавіч быў намеснікам акадэміка-сакратара Аддзялення біялагічных навук, старшынёй Навуковага савета па праблемах біясферы НАН Беларусі, старшынёй спецыялізаванага Савета па абароне доктарскіх дысертацый пры Інстытуце і членам Савета па абароне кандыдацкіх дысертацый пры Міжнародным экалагічным універсітэце ды інш.
Навуковая дзейнасць Віктара Парфёнава была звязана з фларыстыкай, фітагеаграфіяй, геабатанікай, экалогіяй, сістэматыкай і эвалюцыяй раслін. Ім былі вызначаны заканамернасці фарміравання росту і прадуктыўнасці фітацэнозаў, асаблівасці біялогіі відаў і папуляцый раслін у аптымальных і экстрэмальных умовах.
Цяпер чытаюць
Качанава прапанавала ўвесці адказнасць за «няпраўду ў тыктоку»14
Каментары