У Мінску рабочы скраў дарагіх вентылятараў на 10 тысяч рублёў, а прадаў за 500 рублёў
Мужчына скраў з гандлёвага цэнтра ў Мінску дарагія вентылятары, паведамляе сталічная міліцыя.
У сталічную міліцыю звярнуліся прадстаўнікі ГЦ, які ўзводзіцца ў Мінску. Яны паведамілі, што з падсобнага памяшкання выкралі дарагія вентылятары.
Аператыўнікі Кастрычніцкага РУУС устанавілі, што да крадзяжу датычны адзін з рабочых — 42-гадовы раней неаднаразова судзімы жыхар Асіповічаў.
Напярэдадні мужчына працаваў унутры ГЦ. Выявіўшы ў адным з падсаобных памяшканняў скрынкі з вентылятарамі, вырашыў іх скрасці.
Папярэдне знайшоўшы пакупніка на прылады, мужчына ў адзіночку пракраўся ў дапаможнае памяшканне і вынес адтуль шэсць вентылятараў. Ён атрымаў за іх перапродаж усяго 500 рублёў, прычым агульны кошт выкрадзенага склаў больш за 10 тыс. рублёў.
Заведзена крымінальная справа па факце крадзяжу, здзейсненага у буйным памеры.
«Я сам усё рабіў правільна». Сын дыякана папрасіў пазбавіць візы дачку генерала — і трапіў у турму за палітыку2
Каментары