Беларуска ўпала з чацвёртага паверха гатэля ў Тайландзе і атрымала цяжкія траўмы
Паводле даных мясцовай паліцыі, турыстка вярнулася позна ўвечары ў гатэль і зразумела, што забылася ключ усярэдзіне. Пасля таго яна паспрабавала залезці ў нумар праз акно па пажарнай лесвіцы, але сарвалася і ўпала на зямлю, піша «Анлайнер».
Інфармацыя пра здарэнне з'явілася ў супольнасці «Пхукет, рускі клуб» у фэйсбуку: там для пацярпелай (яе імя — Кацярына) арганізавалі збор на лячэнне і транспартаванне ў Беларусь, на чым, як сцвярджаецца, настойвалі тайскія лекары.
«Такая дурная памылка прывяла да вельмі сур'ёзных траўмаў, пераламана літаральна ўсё ( акрамя галавы): рукі, ногі, хрыбетнік, рэбры, якія праткнулі лёгкія, разарваная печань…», — напісала аўтарка паста са зборам сродкаў.
Калі дзяўчыну даставілі ў бальніцу, яна была ў прытомнасці.
Сёння прэс-служба МЗС паведаміла агенцтву Sputnik, што Кацярыне дапамаглі вярнуцца дадому. Дыпламаты знаходзіліся ў пастаянным кантакце з блізкімі дзяўчыны, а таксама з бальніцай, у якую яна была дастаўлена.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары