Будзьце асцярожныя! Каля навагодніх ялінак сёння будзе свет сілавікоў, могуць правяраць і тэлефоны
Міліцыя пераведзеная на ўзмоцнены варыянт нясення службы. Улічвайце гэта, ідучы гуляць.
АМАП на вуліцах Мінска. Ілюстрацыйнае фота: Наша Ніва
З 31 снежня па 8 студзеня асабовы склад органаў унутраных спраў і ўнутраных войскаў МУС пераведзены на ўзмоцнены варыянт нясення службы.
Каля ўсіх ялінак, каля вакзалаў і гандлёвых цэнтраў дзяжураць супрацоўнікі міліцыі. Частка з іх можа быць у цывільным.
Традыцыйна праход да ялінак можа адбывацца праз пункты пропуску. На іх могуць не толькі правяраць на выбухоўку, але заадно і ператрасаць асабістыя рэчы, шукаць беларускую і ўкраінскую сімволіку, правяраць тэлефоны. Улічвайце гэта, калі пойдзеце на святкаванні.
Шчыльнасць нарадаў на вуліцах і ў дварах таксама павялічаная і, нагадаем, шмат дзе за людзьмі сочаць праз сістэмы відэаназірання.
Каментары