Расія заяўляла пра поўнае знішчэнне супрацьпаветранай абароны Украіны 24 лютага 2022 года, у першы ж дзень уварвання. Аднак у рэальнасці Украіна захавала поўны кантроль сваёй паветранай прасторы і вытрымлівае самыя масіраваныя ракетныя абстрэлы.
Паветраныя сілы Украіны знішчылі больш за 1300 ракет і 14 400 беспілотнікаў розных тыпаў. Украінскія пілоты выканалі больш за 20 000 авіявылетаў.
Пра гэта Паветраныя сілы паведамілі ў сваіх сацсетках.
За ўвесь 2024 год Паветраныя сілы знішчылі:
- больш за 1300 ракет розных тыпаў;
- 11 200 ударных беспілотнікаў;
- 3200 разведвальных БПЛА аператыўна-тактычнага ўзроўню.
Авіяцыя Узброеных Сіл Украіны на працягу года выканала больш за 20 000 вылетаў, амаль 9 тысяч з іх — для выкарыстання сродкаў паражэння заходняй вытворчасці.
У 2024 годзе Расія наносіла ўдары па аб’ектах крытычнай інфраструктуры Украіны значна большай колькасцю ракет і ўдарных БПЛА, дадаюць у камандаванні. З’явілася вялікая колькасць беспілотнікаў, якія імітуюць сапраўдныя ўдарныя «шахеды». РФ павялічыла вытворчасць і прымяненне па Украіне балістычных ракет, у тым ліку паўночнакарэйскіх KN-23.
«Такім чынам вораг спрабуе максімальна ўскладніць паветраную абстаноўку, перагрузіць нашу ППА і знясіліць нашых абаронцаў неба. Акрамя таго, варожыя самалёты запусцілі па прыфрантавых тэрыторыях дзясяткі тысяч кіраваных авіяцыйных бомбаў, сцёршы з твару зямлі ўкраінскія прыфрантавыя гарады і вёскі», — кажуць вайскоўцы.
Толькі за мінулы тыдзень, з 23 па 29 снежня, Расія ўжыла супраць Украіны больш за 370 ударных дронаў, каля 280 кіраваных авіяцыйных бомбаў і 80 ракет розных тыпаў, паведамляюць ПКС.
Нагадаем, што Расія заяўляла пра поўнае знішчэнне супрацьпаветранай абароны Украіны 24 лютага 2022 года, у першы ж дзень уварвання. Аднак тая заява аказалася выдумкай.
-
«Я пісаў маме, а яна ўжо была мёртвая» — гісторыі загінулых пасля ўдару па Новай Вадалазе на Харкаўшчыне
-
У Новай Маскве ў выніку атакі беспілотнікаў пашкоджаныя паліклініка і жылыя дамы. У Серпухаве атакаваны арсенал Мінабароны Расіі
-
Зяленскі заявіў пра гатоўнасць да мірнага пагаднення з размежаваннем па цяперашняй лініі фронту
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію99
Малодшы сын Сахашчыка абвешчаны зніклым без вестак. Выглядае, ён ваяваў за Расію
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары