Некаторыя члены Паўночнаатлантычнага альянсу лічаць недастатковым стан супрацьпаветранай абароны Вялікабрытаніі, якая практычна не мае сродкаў абароны ад балістычных ракет. Пра гэта гаворыцца ў публікацыі выдання The Sunday Times.
Па словах крыніц газеты ў абаронным сектары Вялікабрытаніі, шэраг краін НАТА нядаўна выказалі расчараванне тым, што гэтая краіна не робіць дастатковага ўнёску ў сістэмы СПА для абароны Еўропы ад ракетных нападаў далёкага радыусу дзеяння.
Аўдыт абароны Вялікабрытаніі, які ініцыяваў урад прэм'ера Кіра Стармера, таксама выявіў, што краіна не мае наземных сродкаў СПА для абароны крытычна важнай інфраструктуры або населеных пунктаў ад балістычных ракет, піша выданне.
Як піша The Sunday Times, падчас халоднай вайны Вялікабрытанія рыхтавалася да абароны ад удараў ракет з ядзернай боегалоўкай, таму не аддавала прыярытэту іншым сістэмам СПА.
«Прычына таго, што Брытанія мае вельмі слабую супрацьпаветраную абарону, заключаецца ў тым, што цягам 30 гадоў ніхто не думаў, што яна нам патрэбная», — заявіў The Sunday Times высокапастаўлены чыноўнік брытанскага сектара абароны.
Па словах крыніцы, Вялікабрытанія можа быць атакаваная з «любога кірунку», калі балістычная ракета будзе выпушчаная з карабля, падводнай лодкі або самалёта.
«Праз 15 гадоў балістычная ракета зможа паразіць Брытанію з любога пункту свету. Але гэта вельмі дарагая праблема, каб яе вырашыць», — дадаў суразмоўца газеты.
Паводле інфармацыі The Sunday Times, НАТА ў 2025 годзе ў рамках сваіх рэкамендацый дзяржавам-членам павялічыць выдаткі на абарону зробіць упор на развіццё сістэм супрацьпаветранай абароны наземнага базавання (SBAD).
У той жа час у брытанскім абаронным сектары занепакоеныя тым, што празмерная ўвага да СПА ў рамках калектыўнай абароны НАТА можа прывесці да адцягвання сродкаў ад больш спецыфічных патрэбаў Вялікабрытаніі, гаворыцца ў матэрыяле.
Украіна пачала новы наступ у некаторых раёнах Курскай вобласці
Блінкен ацаніў дзеянні Байдэна ва Украіне і расказаў, што будзе з украінска-расійскай мяжой і якія непаразуменні меў з Ізраілем
ЗША «незаўважна» паставілі ва Украіну шмат зброі яшчэ да пачатку канфлікту з Расіяй — Блінкен
Ужыць ядзерную зброю супраць Украіны не дазволіў Пуціну Кітай — Блінкен
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары