У Румыніі з’явіліся дарожныя знакі «Асцярожна, п’яны пешаход!» + фота
На знаках, што размяшчаюцца каля прыдарожных бараў і рэстаранаў, намаляваны чалавек з бутэлькай у руках, які паўзе на карачках.
Улады румынскага гарадка Пекіка ўсталявалі паблізу размешчаных каля аўтамагістралі бараў і рэстаранаў дарожныя знакі, якія папярэджваюць пра п’яных пешаходаў.
Новыя знакі ўяўляюць сабой ярка-аранжавы трохкутнік, на якім намаляваны чалавек з бутэлькай у руках, які паўзе на карачках. Пабачыўшы такое, кіроўца будзе ведаць, што недзе побач бар або начны клуб, таму на праезнай частцы ў любы момант можа з’явіцца чалавек, які слаба кантралюе свае дзеянні.
Горад Пекік размешчаны ў 20 км ад заходняй мяжы краіны з Венгрыяй. «На трасе інтэнсіўнае рух — за дзень праязджаюць тысячы аўтамабіляў. А жыхары нашага гарадка вядуць актыўны начны лад жыцця. І мы хочам папярэдзіць кіроўцаў аб магчымым раптоўным з’яўленні на дарозе п’янага чалавека», — распавёў мэр гораду Пятру Антал.
Ідэя змагацца з ростам колькасці аварый, якія адбываюцца ў горадзе па віне п’яных пешаходаў, прыйшла да яго пасля паездкі ў Германію, дзе мэр убачыў падобныя знакі каля дарог.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»37
Каментары