U Rumynii źjavilisia darožnyja znaki «Aściarožna, pjany piešachod!» + fota
Na znakach, što raźmiaščajucca kala prydarožnych baraŭ i restaranaŭ, namalavany čałaviek z butelkaj u rukach, jaki paŭzie na karačkach.
Ułady rumynskaha haradka Piekika ŭstalavali pablizu raźmieščanych kala aŭtamahistrali baraŭ i restaranaŭ darožnyja znaki, jakija papiaredžvajuć pra pjanych piešachodaŭ.
Novyja znaki ŭjaŭlajuć saboj jarka-aranžavy trochkutnik, na jakim namalavany čałaviek z butelkaj u rukach, jaki paŭzie na karačkach. Pabačyŭšy takoje, kiroŭca budzie viedać, što niedzie pobač bar abo načny kłub, tamu na prajeznaj častcy ŭ luby momant moža źjavicca čałaviek, jaki słaba kantraluje svaje dziejańni.
Horad Piekik raźmieščany ŭ 20 km ad zachodniaj miažy krainy ź Vienhryjaj. «Na trasie intensiŭnaje ruch — za dzień prajazdžajuć tysiačy aŭtamabilaŭ. A žychary našaha haradka viaduć aktyŭny načny ład žyćcia. I my chočam papiaredzić kiroŭcaŭ ab mahčymym raptoŭnym źjaŭleńni na darozie pjanaha čałavieka», — raspavioŭ mer horadu Piatru Antał.
Ideja zmahacca z rostam kolkaści avaryj, jakija adbyvajucca ŭ horadzie pa vinie pjanych piešachodaŭ, pryjšła da jaho paśla pajezdki ŭ Hiermaniju, dzie mer ubačyŭ padobnyja znaki kala daroh.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj19
Kamientary